Memoria Documental de Galicia

Days

Hours

Minutes

Seconds

As Xornadas Días de labor: a memoria do traballo e a súa pegada na sociedade e no territorio, pretende aproximarnos á memoria do traballo e facelo tanto desde o punto de vista da investigación (histórica, antropolóxica, económica, sociolóxica…), como dos testemuños materiais que se conservan nos centros da memoria (arquivos, bibliotecas, museos e centros de documentación) e que alimentan precisamente a actividade científica, sen esquecer que esa memoria non pode construírse á marxe da sociedade que lle dá vida.

Ademais de expoñer e difundir algúns dos fitos e tendencias da investigación sobre o traballo en Galicia (en ámbitos tan diferentes como o medio rural, a industria, o sector pesqueiro e marisqueiro ou, por suposto, o movemento obreiro ou o mundo da inmigración), queremos abrir o debate sobre a formación, a conservación, a xestión e a difusión das pegadas documentais e materiais desa actividade, tanto nos centros ligados ás institucionais públicas ou privadas como naquelas entidades máis descoñecidas do terceiro sector, e como todo iso repercute e de que maneira na sociedade e no territorio.

Ler máis

Xornadas. Días de Labor. 25 e 26 de setembro de 2026.

Belén Gopegui Novelista e guionista Licenciada en Dereito pola Universidade Autónoma de Madrid e doutora en Humanidades por la Universidad Carlos III. Iniciou a súa carreira profesional colaborando nas seccións literarias de diversos xornais e revistas. Recibiu numeros premios polas súas obras literarias.

Los nombres pesan sobre las cosas, pero más pesan las cosas sobre los nombres

Laura Cabezas VegaDoutora en Historia Contemporánea pola Universidad de Granada e investigadora Juan de la Cierva na USC. Centrou a súa investigación na relación entre xénero e política agraria na España do s. XX, especialmente no contexto da colonización franquista

As pegadas do invisible: historia e memoria do traballo rural feminino en Galicia

María Luisa Muñoz AbeledoInvestigadora vinculada á USC centrada no estudo do traballo das mulleres, os niveis de vida e a historia empresarial desde unha perspectiva de xénero. Foi Research Fellow no CRHIA de Nantes e no Cambridge Group for the History of Population and Social Structure. É membro da Rede Española de Historia do Traballo e da European Labour History Network e colaborou en varios documentais.

Entre o mar e a fábrica: o traballo das mulleres na Galicia contemporánea

Víctor SantidriánDoutor en Historia Contemporánea pola USC e membro do Padroado da Fundación 10 de Marzo do Sindicato Nacional de CCOO de Galicia. As súas investigacións xiran ao redor da historia do comunismo e do proceso de recuperación da memoria histórica.

A Fundación 10 de Marzo e a documentación do movemento antifranquista galego

Carmen PrietoLicenciada en Xeografía e Historia pola USC e funcionaria do Corpo Facultativo de Arquivos, Bibliotecas e Museos, especialidade de arquivos, da Xunta de Galicia dende 1994, dirixe o Arquivo do Reino de Galicia. É membro do Consello de Arquivos de Galicia e do Consello Superior de Valoración de bens de Interese Cultural para Galicia, asi como de varios grupos de traballo relacionados co labor arquivístico.

Diferentes visións do mundo laboral a través dos fondos do Arquivo do Reino de Galicia

Álex AguilarCatedrático da Universidade de Barcelona. A súa investigación centrouse, entre outros ámbitos, na historia e xestión da pesca baleeira en España, Islandia e Xapón. Autor de máis de 300 artigos e 11 libros, tres deles específicos da pesca da balea en Galicia.

Luces y sombras de la pesca ballenera industrial en Galicia

Susana HeviaLicenciada en Historia pola Universidade de Oviedo con máster en Museoloxía e Museos pola UAH, a súa actividade profesional está relacionada co patrimonio arqueolóxico e etnográfico de Asturias e, en particular, nos territorios do Navia-Eo. É directora do Museo Etnográfico de Grandas de Salime “Pepe el Ferreiro” desde 2011 e membro correspondente do Real Instituto de Estudios Asturianos.

La memoria de las comunidades rurales y su presencia en los museos: el caso del Museo Etnográfico de Grandas de Salime «Pepe el Ferreiro»

Guillerme Pérez AgullaFundación Luis Tilve. Licenciado en Historia Contemporánea pola USC. Postgrado en Arquivística pola UNED. En 2005 entra a formar parte do equipo de investigación da Fundación Luís Tilve, como historiador, deseñando o Plan de Actuación para a creación do Arquivo Histórico do Movemento Obreiro en Galicia, sendo na actualidade o seu Director

Os arquivos sindicais como laboratorios de historia social. O exemplo da Fundación Luis Tilve

David Amoedo LosadaBeiramar da xente. Beiramar da Xente é un espazo de traballo pola defensa do patrimonio industrial da cidade de Vigo. Centra o seu traballo na divulgación e posta en valor da paisaxe litoral industrial con propostas de reutilización de inmobles, centrándose na factoría Alfageme de Bouzas, o Complexo fabril La Artística de Coia e o Polígono Industrial de Beiramar-Jacinto Benavente, para os que solicitaron a súa catalogación como BIC

Loitas e propostas para a conservación do patrimonio industrial do litoral de Vigo

Bibiana Martínez ÁlvarezEuroEume. Doutora en antropoloxía social pola Universidade de Barcelona. Especializada en historia das sociedades rurais, na economía política da produción de alimentos e na economía política feminista. Actualmente é investigadora independente e traballa na entidade de desenvolvemento rural, EuroEume no programa Enraizadas, centrado na soberanía alimentaria, a agroecoloxía, o coidado e o traballo das mulleres rurais desde unha perspectiva ecofeminista

Invisibles e desvalorizadas. O traballo das mulleres galegas no eido rural

Victorino Escamilla PazFundación Educativa e Social Dignidade. Coordinador xeral da Fundación especializada na protección á infancia, a intervención socioeducativa, o acompañamento familiar e a atención a persoas en situación de vulnerabilidade. Desenvolve funcións de dirección técnica, planificación estratéxica, coordinación de programas sociais, xestión da calidade e relación institucional

Papeis para existir: a pegada documental da inmigración estranxeira no traballo e na vida cotiá en Galicia

Sandra AmezagaCoordinadora xeral de Mulleres Salgadas desde a súa fundación en 2016. Conta cunha ampla traxectoria no traballo co sector pesqueiro e marisqueiro, especialmente na defensa dos dereitos das mulleres do mar, a súa visibilización e a promoción da súa participación nos espazos de decisión.

As mulleres no marisqueo: traballo, invisibilidade e loita polo recoñecemento

Eduardo UrdangarayFotoperiodista en diversas publicacións nacionais e internacionais, expuxo no Museo del Pueblo de Asturias, Colección de Arte del Ayuntamiento de Mieres, Museo de la Siderurgia y la Minería de Castilla y León e no Museo de La Minería del País Vasco, entre outros. Foi xurado de premios nacionais de fotografía e comisario e coordinador de exposicións.

La creación del Archivo Histórico Minero

Sabrina Fernández CasasArtista centrada na circulación de relatos migratorios e postindustriais. A través das súas obras, publicacións e películas explora as formas de difusión de saberes experienciais e orais vinculados a territorios en constante transformación

A memoria corporal do traballo da miña nai

Ana MateosDiplomada en Biblioteconomía e Licenciada en Documentación pola Universidad de Salamanca foi responsable do servizo da bibliobuses da Diputación de Valladolid, entre outros labores. Actualmente está á fronte do Departamento de Biblioteca e Arquivo do Museo do Pobo Galego.

Testemuños dos oficios nos Arquivos do Museo do Pobo Galego

Concepción FernándezXestora Cultural pola UCM e máster en Dirección e Xestión de Actividades e Destinos Turísticos pola UNED, actualmente é Directora da Área de Patrimonio, Museos e Cultura na Fundación Ciudad de la Energía, CIUDEN, xestionando e coordinando a actividade expositiva, didáctica, de divulgación científica e cultural da Fábrica de Luz. Museo de la Energía e da Térmica Cultural.

Memoria que transforma.

Días de labor. A memoria do traballo e a súa pegada na sociedade e o territorio

Acerca das xornadas

Días

Ponentes

Entidades

Inscritos

Ponentes